ते फेर कहना सेहतां नहीं बनदीयां...

 मैंनूं कईं वारी बड़ी चिंता हुंदी ए जदों मैं आले दुआले, हर पासे एहो देखदा हां कि अज्ज कल दी पीढ़ी दा जिवें दालां-सब्जीयां च इंट्रेस्ट घट नहीं बिल्कुल खत्म ही हो गियै….

तुहानूं की लगदै….

एह बड़ी माडी गल ए….देखदे ही देखदे किवें अज्ज दी पीढ़ी दालों, सब्जियां, फल, फ्रूट ते सलाद तो दूर हो गई पता ही नहीं लग्गा….वैसे तां एह गल कोई कोई नवीं नहीं, पिछले 15-20 सालां तो ही एहो सिलसिला चलदा दिख रिहै….

जदों दे एक बर्गर, नूडल, मोमो, पिज़्ज़े आ गए….जवानां दा खाना पीना ही बिल्कुल रुल गिया ….जदों चाहो ऑनलाईन कुछ भी एहो जिहा यक-तरक्क मंगवा लो, दसां मिनटां चा हाज़र….पैसे दी बरबादी नूं ते मारो गोली, ओ ते बड़ी छोटी गल्ल ऐ, सब तो चिंता करन वाली गल एह है कि शरीर दे अंदर अजीबोगरीब तरां दीयां कलोरियां ते चलीयां गईयां पर न्यूट्रिशन कित्थों मिलूगी….बस, एहो पंगे वाली गल ए….

मैं किते बहुत वधीया गल किसे कोलों सुनी सी कि फोकियां कलोरियां छकनीयां कोई मुश्किल गल नहीं…जे कर तुहाडे शरीर नूं दो हज़ार कलोरियां वी चाहीदीयां ने, तां इक ते शार्ट-कट एह है कि दो तिन्न चाकलेटां खा लवो, या दो चाकलेटां, एक दो चिप्स दे पाकेट, इक पिज़्ज़ा खा के कलोरियां दी मंग तां पूरी हो जाऊ पर न्यूट्रिशन कित्थों आऊ….एह तां सारीयां दीयां सारीयां फोकीयां कलोरियां ने…..शुगर ए, फैट ए….कोई विटामिन नहीं, कोई और फायदेमंद तत्त वी नहीं…..

जेकर असीं अज अपने आसे पासे वेखदे हां तां खानपीन दीयां आदतां सारेयां दीयां ही बहुत खराब हो चुकीयां ने….पर जवानां दी खुराक दे तां परखच्चे उड्डे होए ने….हर वेले हर दिन …दाल मक्खनी, पनीर एह ते पनीर ओह …..की लभना ए यार पनीर विच्चों, आए दिन अखबारां विच नकली, सिंथेटिक पनीर दीयां खबरां दिखदीयां रहंदीयां ने….पिछे जिहे पढ़िया ही होनै तुसीं वी कि किवें इक बडी़ वड़्ड़ी कंपनी दे बर्गर विच एनॉलॉग पनीर इस्तेमाल हो रिहा सी…एनॉलॉग पनीर दा मतलब, पनीर तां है पर दुध तो तैयार होया नहीं, वेजीटेबल फैट्स वरगीयां चीज़ां तो तैयार होया …..

वैसे भी अजकल जिस तरह दीयां चीज़ां मिल रहीयां ने, ओहनां बारे सुन सुन के सिर भारी हो जांदै….

अज्ज कल दे जवानां दा ए हाल है कि सब्जीयां या तां बिल्कुल खानीयां ही नहीं, जेकर खानीयां वे तां सिर्फ इक या दो , जिवें आलू…..आलू ..आलू …और दालां विच्च तां मैं लिखिया ही है कि दाल मक्खनी…..की कर लेगी कल्ली दाल मक्खनी….या फेर आए दिन बाज़ारों मंगवा के कुलचे-छोले या राजमा-चावल…..

साडे देश च, साडे प्रदेश च, साडे इलाके च एह बड़ी प्यारी गल रही है कि सारीयां दालां खानीयां, सारीयां सब्जियां खानीयां, घर विच बनिया परशादा ही खाना, ताज़ा बनिया ही खाना….हुन तां बच्चेयां नूं तां छड्डो वड्डेयां नूं दालां दे ना नहीं आउंदे…..पीली दाल ते काली दाल….वाह बई वाह ….किड्डी तरक्की कर लई असीं….सब्जियां दे बारे तां कोई गल कर के राज़ी नहीं …..ना-नूं चेते करन दीयां तां गल्लां छड्ड ही दियो….

अज एह गल्लां लिख के दिल होला करन दी लोड क्यों महसूस होई….ओ इस कर के कि मैं सोच रिहा सी कि होली होली करके जेहड़ीयां सब्जियां, फल असीं बचपन-जवानी विच या बाद च वी बड़े चा नाल खांदे सी, सानूं हुन ओह दिखदीयां ही नहीं …या कदे कदे साल विच इक वार दिख वी जान तां की है ….कुछ सब्जियां ने जिवें कड़म, चप्पन, टींडे ….ऐस तरां दीयां होर वी बड़ीयां चीज़ां ने जेहड़ीयां हुन बहुत ज़्यादा घट दिसदीयां ने…..छोटे शहरां च तो शायद दिखदीयां वी होन, पर वड्डे शहरां च ते सब कुछ चोड़ हो चुकेया ए, खाना-पीना…शायद महंगाई कर के वी, शायद हुन एह सब चीज़ां खान वाले बचे ही किन्ने कु ने….अज्ज कल दे जवानां दी ते गल की करिए, एहनां नूं खाना ते दूर, नां वी नहीं पता होने….

जेहड़ीयां एस तरां दियां सब्जियां या होर वी सब्जियां मिलदीयां ने ओहनां दा ओ वाला स्वाद वी तां नहीं रिहा…..गल एहो है कि सानूं खुद नहीं पता असीं की खाई जा रहे हां ते की कुछ हजम करी जा रहे हां….की ख्याल है तुहाडा….चाहे कुछ ऐन्नी ज़्यादा मिलावटां दी समझ नहीं पर ऐन्नां तां पता है कि सब कुछ ठीक नहीं खा  रहे ……हां, ओहियो गल है कि बिल्ली वेख के जिवें कबूतर अक्खां बंद कल लवे कि कोई गल नहीं बला टल गई….नहीं, इंझ वी नहीं …पर अक्खां खोल के वी किहड़ा कल्याण हो जानै….

सचेत रहिए कुछ वी खान-पीन तो पहलां…..जेहड़ी चीज़ वेख के अंदर घँटी नहीं वजदी, उस नूं परे कर दियो…किसे नूं बुरा लगे, चंगा लग्गे…..लिखदे लिखदे इक गल होर …कुछ दिन पहलां मैं इक वाज़ार चों निकल रिहा सी…मैंनूं सीताफल बहुत वधीया जिहे विखे, मैं इस किलो खरीद लए…..बडे़ ढिल्ले ढिल्ले ही सी….पर यकीन मन्नेयो, मैं एहो जिहे अजीब किस्म दे सीताफल कदे नहीं सी खादे, अंदरों सारा फल कच्चा, बाहरों पक्का, पर फेर वी मिट्ठा ….पर सारे फल विच दो चार बीज ही सन….मैं हैरान परेशान….थोड़ा खान तों बाद उस विस कीड़े वी दिखे…….अगले दिन मैं उस बाज़ार चों लंघ रिहा सी…मैं सोच्या उस रेहड़ीवाले नूं पुछ्छां तां सहीं कि ओ वेच की रिहै….ओ ते नहीं मिलेया…नाल ही रेहडी़ वाले नूं मैं दस्सेया तां उसने किहा कि बाऊ जी, अज कल चाईना दे सीताफल वी मिलदे ने, जेहड़े बाहरों सफेद हुंदे ने ….ते अंदरों …..(उस दी एह गल सुन के मेरा तां सिर दुख गया, दोस्तो, जिवें तुहाडा सारेयां दां मेरा एह रुक्का पढ़ के थोड़ा जेहा भारी ते हो ही गिया होनै)...

चंगा बई, अपना ख्याल रखेया करो…..खान पीन सोच समझ के करो, हर पासेयों जिवें तुहानूं मंजे ते लम्मे पाउन दी साजिश हो रही है …सचेत रहो, घट खाओ, सुथरा खाओ….मिट्ठे तो दूर रहो, तले-मले नू परे करो हुन, बहुत हो गया…..जींदे वसदे रहो ….खाओ, पियो, ऐश करो, मित्तरो, दिल पर किसे दा दुखाए-ओ न …. 

जवान अज कल दे रोटी, दाल सब्जी खा के राज़ी नहीं, बस ओहना नूं लगदै एनर्जी ड्रिंक, प्रोटीन शेक ते प्रोटीन एनर्जी बॉर ही सब चीजां दा हल ऐ….एह बिल्कुल वी नहीं बई…एह बड़ा खतरनाक खेल ए…..बच्चेयां नूं घर दी दाल रोटी साग सब्जी खान दीयां आदतां पाओ, जेकर बच्चे अजे तुहाडे आखे च ने, नहीं तां रब ते ही सुट्टो सब कुछ ….रब अग्गे अरदासां नाल ही गल बन सकदी ए….नगर, खेड़े दी खैर ओ साईयां नगर खेड़े दी खैर …

अज्ज दे ख्याल दी शुरली एत्थे ही खत्म होई….रब राबा ..

असी जदों स्कूल-कालेजां च पड़दे सी तां एह गल इक दूजे नूं कह कह के बड़ा हसदे सी .😎..कुछ खास गल नहीं....बस, मेरी उम्र दे लोग इस गल नूं सुननगे तां इस वार तां ओह वी ज़रूर हस्सन गे.... थल्ले कमैंट च लिखियो किनूं किनूं हासा आया .....